Is The Treatment Of Diseases Of Jewels, Gems Which Worn To Know What Disease
રત્નો છે બિમારીનો ઈલાજ,જાણો કયો રત્ન દૂર કરે છે કેવી બિમારી
રત્ન (મણિ)નો આપણા જીવન અને સ્વાસ્થ્ય પર ઘેરો પ્રભાવ પડે છે કારણ કે રત્નોમાં વિવિધ ગ્રહો પણ સામેલ હોય
છે. માણેકમાં સૂર્ય, મોતીમાં ચંદ્ર, ફરોઝમાં બુધ, પન્નામાં ગુરુ, હીરામાં શુક્ર, નીલમમાં શનિ અને વૈડૂર્યમાં રાહુનો નિવાસ હોય છે. શુદ્ધ અને દોષરહિત રત્ન ધારણ કરવાથી ગ્રહોને શાંતિ મળે છે અને રોગો પણ આપણાથી દૂર રહે છે. આ બધાં રત્નોની ભસ્મ બનાવી વિધિ મુજબ લેવાથી અનેક બિમારીઓનો ઈલાજ કરી શકાય છે.
આગળ જાણો કઈ બિમારી માટે કયો રત્ન પહેરવો જોઈએ..............
ગોમેદ- ગોમેદ રત્ન કાંતિવાન, વજનદાર, ચિકણો, સારો રંગ, તેજ હોય છે. ગોમેદને ધારણ કરવાથી આયુષ્ય, સુખ અને ધનની વૃદ્ધિ થાય છે. ઔષધી તરીકે આ રત્ન ઝેરને ખતમ કરે છે, પાચન શક્તિ વધારે છે, ખુજલી, કોઢ અને હરસ જેવા રોગો સામે રક્ષણ આપે છે.
હીરો- હીરા ચાર રંગના હોય છે. સફેદ, લાલ, પીળું અને કાળું. પાણીથી ભરેલા પીતળના વાસણમાં હીરાને નાંખી હલાવાથી તેમાં ચમકીલી લીટી પડે છે અને આવો હીરો જ શ્રેષ્ઠ માનવામાં આવે છે. આ બળવાન બનાવે છે, વીર્યવર્ધક હોય છે, સુખકારક હોય છે અને બધાં રોગોનો નાશ કરે છે.
મોતી- રસાયણ ગ્રંથોમાં લખેલું છે કે, જાળું ગોળાકાર, સુંવાળું મોતી સારું હોય છે. મોતીથી શરીરમાં કોઈપણ પ્રકારની બળતરાની સમસ્યા દૂર થાય છે. જે મોતી સાફ અને પ્રભાવશાળી હોય છે તે પિત્ત દ્વારા થનારા રોગો સામે રક્ષણ પ્રદાન કરે છે. મોતી શુદ્ધ હોવાથી તે વિનમ્રતાનું પ્રતીક માનવામાં આવે છે.
વૈડૂર્ય- શુભ છાંયાવાળું, વજનદાર, સુંવાળું, સાફ અને શ્યામ કાંતિવાળા વૈડૂર્યને ઉત્તમ માનવામાં આવે છે. આ કલ્યાણકારી હોય છે. વૈડૂર્ય લોહી સંબંધી સમસ્યાઓથી છુટકારો અપાવે છે અને પિત્ત દ્વારા થનારા રોગોને પણ દૂર કરે છે.
નીલમ- નીલમ ધારણ કરવાથી શનિ દોષ દૂર થાય છે. નીલમની ભસ્મનું સેવન કરવાથી અસ્થમા, ઉધરસ, કફ અને પિત્ત દ્વારા થતાં રોગો દૂર થાય છે. આ વિશેષરૂપથી વાયુનો નાશ કરે છે. પાચન શક્તિ અને બુદ્ધિમાં વધારો કરે છે.
માણેક- માણેકના ચાર પ્રકાર હોય છે. માણેક, વૈડૂર્ય, સ્ફટિક અને એક અન્ય પ્રકાર. જે માણેકનો રંગ ઘાટો હોય, શુદ્ધ અને સુંવાળું હોય અને પોતાના પ્રભાવથી આસપાસની વસ્તુઓને પ્રભાવિત કરતું હોય તેને સારું ફળ આપનારું માણેક માનવામાં આવે છે. માણેક પિત્ત સંબંધી રોગોને ખતમ કરે છે.
---------------------------------------
http://mahuv.blogspot.com/
મહુવા ના બ્લોગ ની મુલાકાત લેતા રહેશો.
પસંદ પડે તો મિત્રો સાથે જરૂર શેર કરજો…
welcome to our page don't' forget to like us.
https://www.facebook.com/MAHUVA364290
ટિપ્પણીઓ નથી:
ટિપ્પણી પોસ્ટ કરો
પસંદ પડે તો મિત્રો સાથે જરૂર શેર કરજો…
welcome to our page don't' forget to like us.
https://www.facebook.com/MAHUVA364290